AKP ភ្នំពេញ ថ្ងៃទី០៨ ខែសីហា ឆ្នាំ២០២៥-- អង្គភាពប្រឆាំងអំពើពុករលួយ (ACU) នឹងចូលរួមសង្កេតការណ៍ការប្រឡងសញ្ញាបត្រមធ្យមសិក្សាទុតិយភូមិ ឬហៅថាបាក់ឌុប សម័យប្រឡង៖ ២៨ សីហា ២០២៥ខាងមុខ។

យោងតាមអង្គភាពប្រឆាំងអំពើពុករលួយបានឱ្យដឹងថា ក្នុងការប្រឡងសញ្ញាបត្របាក់ឌុបនៅចុងខែសីហា ឆ្នាំ២០២៥ អង្គភាពប្រឆាំងអំពើពុករលួយនឹងធ្វើការប្រកាសជ្រើសរើសអ្នកសង្កេតការណ៍ស្ម័គ្រចិត្តសរុបចំនួន៣.៧០០នាក់ ដើម្បីចូលរួមសង្កេតការណ៍តាមមណ្ឌលប្រឡងរាជធានី-ខេត្ត។ ចំពោះលក្ខខណ្ឌក្នុងការចុះឈ្មោះ និងលក្ខខណ្ឌជ្រើសរើស មានចែងក្នុងចំណុចII និងចំណុចIII ក្នុងសេចក្តីជូនដំណឹងនេះ។

គួរបញ្ជាក់ថា តាមលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិកាលពីឆ្នាំ២០២៤កន្លងមក បានបង្ហាញថាបេក្ខជនបានជាប់៧៩ភាគយ ក្នុងចំណោមបេក្ខជនដែលប្រឡងជាប់សរុប១០៦ ៣៥១នាក់ ក្នុងនេះមានបេក្ខជនជាប់និទ្ទេសA ចំនួន២ ២១៦នាក់ និទ្ទេសB ចំនួន៩៧០១នាក់ និទ្ទេស C ចំនួន២២៦៧៥នាក់ និទ្ទេសD ចំនួន៣៦ ៦៨៣នាក់ និងនិទ្ទេសE ចំនួន៣៥ ០៧៦នាក់៕

ដោយ៖ មករា