AKP សៀមរាប ថ្ងៃទី២៣ ខែសីហា ឆ្នាំ២០២៥--

ព្រះសង្ឃ លោកគ្រូអ្នកគ្រូ សិស្សានុសិស្ស និងប្រជាពលរដ្ឋ ក្នុងខេត្តសៀមរាបសៀមរាបរាប់ពាន់អង្គ/នាក់ បាននិមន្ត ដើរដង្ហែរក្បូន នៅតាមបណ្ដាផ្លូវសំខាន់ៗមួយចំនួន ក្នុងក្រុងសៀម រាប ខេត្តសៀមរាប ក្នុងគោលបំណងដើម្បីស្នើសុំកិច្ចអន្តរាគមន៍ ពីប្រធានាធិបតីសហរដ្ឋអាម៉េរិក ដូណាល់ ត្រាំ និងភរិយារបស់លោក ជំរុញរដ្ឋាភិបាលថៃឱ្យដោះលែងយោធាកម្ពុជាចំនួន១៨រូប ដែលទាហានថៃបានចាប់ខ្លួនក្រោយបទឈប់បាញ់ ឱ្យពួកគាត់ត្រឡប់មកផ្ទះសម្បែងជួបជុំក្រុមគ្រួសារវិញ។ ក្បួនដង្ហែនេះ បានធ្វើឡើងនារសៀលថ្ងៃទី២៣ ខែសីហា ឆ្នាំ២០២៥។

លោក ឥន យឿន អ្នករៀបចំក្បួនដង្ហែរនេះ បានលើកឡើងថា ប្រជាពលរដ្ឋខ្មែរគ្រប់រូប  ជម្រាបជូនទៅលោកប្រធានាធិបតី Donald Trump លោកជំទាវ Melania Trump និងពិភពលោក ទាំងមូលថា ពួកយើងពិតជាមានក្តីបារម្មណ៍ និងឈឺចាប់ជាពន់ពេកដោយទាហ៊ានថៃបាន នឹងកំពុងឈ្លានពានអធិបតេយ្យប្រទេសកម្ពុជានៅតាមតំបន់ព្រំដែនទាំងកំរោល បន្ទាប់ពីមានបទឈប់បាញ់កាលពីថ្ងៃទី២៨ ខែកក្កដា ឆ្នាំ២០២៥។ ក្រោយបទឈប់បាញ់បានចូលជាធរមានកាលពីវេលាម៉ោង ០០ រំលងអធ្រាត្រថ្ងៃទី២៨ ខែ      កក្កដា ឆ្នាំ២០២៥ ទាហ៊ាន ថៃបានចូលមកចាប់ទាហ៊ានខ្មែរចំនួន២០រូបនៅក្នុងដែនរអធិបតេយ្យកម្ពុជា ដែលពីរថ្ងៃក្រោយមកថៃបានបញ្ជូនពីរនាក់មកវិញដោយមានស្មារតីមិនប្រក្រតី។ រហូតមកដល់ពេលនេះកងទ័ពថៃនៅតែបន្តឃុំឃាំងទាហ៊ានខ្មែរ១៨រូប មិនព្រមដោះលែងវិញទេ ដែលរហូតមកដល់ពេលនេះមានរយៈពេល២៥ ថ្ងៃហើយ។ 

លោកក៏ដូចជាប្រជាពលរដ្ឋខ្មែរទាំងអស់សូមទាមទារឱ្យប្រទេសថៃប្រគល់វីរកងទ័ពកម្ពុជាទាំង១៨រូបនោះមកវិញជាដាច់ខាត។ មិនតែប៉ុណ្ណោះ ស្នើរឱ្យប្រទេសថៃដកបន្លាលួស កង់ឡានចេញពីអធិបតេយ្យកម្ពុជាវិញនៅតាមខ្សែបន្ទាត់ព្រំដែន។ លោកថា ប្រជាជនកម្ពុជា ស្នើសុំដោយទទូចសុំឱ្យលោកប្រធានា     ធិបតី Donald Trump មេត្តាដាក់សម្ពាធទៅលើរដ្ឋាភិបាលថៃ ដើម្បីដោះលែងវីរកងទ័ពកម្ពុជាចំនួន ១៨ រូប ត្រឡប់មកវិញ ដោយគ្មានលក្ខខណ្ឌ។

 លោកបានជម្រាបជូន លោកប្រធានាធិបតី Donald Trump លោក ជំទាវMelania Trump និងពិភពលោកទាំងមូលថា ផ្ទះសំបែង សាលារៀន វត្តអារាម ប្រសាទបុរាណ ខ្មែរដែលមានចំណាស់ជាង១០០០ឆ្នាំ ត្រូវបានកងទ័ពឈ្លានពានថៃ ផ្លោងគ្រាប់ដាក់ ប្រើគ្រាប់បែកចង្កោម ប្រើផ្សេងពុល និងប្រើយន្តហោះ F-16 បានកំទិចឆេះខូចខាតគ្មានសល់។ ពួកយើងបានបាត់បង់ផ្ទះសម្បែង បាត់បង់ សាលារៀន វត្តអារាម ហើយបានរត់ភាសខ្លួនទៅរកកន្លែងសុវត្ថិភាព។ ប្រជាពលរដ្ឋភៀសសឹកត្រូវការវិលត្រឡប់ទៅសាលារៀនវិញ ដើម្បីបានរៀនសូត្រ និងត្រូវការវិលទៅកាន់លំនៅឋាន និងវត្តអារាមវិញ។ តំណាងឱ្យប្រជាពលរដ្ឋខ្មែរ សូមថ្លៃអំណរគុណទៅដល់លោកប្រធានាធិបតី Donald Trump ប្រធានាធិបតីនៃសហរដ្ឋអាមេរិក លោក Anwar Ibrahim ប្រធានអាស៊ានប្តូរវេន លោក Xi Jinping ប្រធានាធិបតីនៃសាធារណរដ្ឋប្រជាមានិតចិន ដែលបានជួយសម្របសម្រួលឱ្យមាន ការសម្រេចបទឈប់បាញ់នេះឡើង។

 ជាមួយគ្នានេះ ប្រជាជនកម្ពុជាគាំទ្រដោយអស់ពីដួងចិត្តចំពោះតែងតាំងលោកប្រធានាធិបតី Donald Trump សម្រាប់រង្វាន់ណូបែលសន្តិភាពផងដែរ៕ ដោយ៖  ឃុត សៅ