AKPកំពង់ធំថ្ងៃទី៤ ខែកមរា ឆ្នាំ ២០២៦ -- ឯកឧត្តមនួន ផារ័ត្នអភិបាលខេត្តកំពង់ធំកាលពីល្ងាចថ្ងៃទី០៣ខែមករាឆ្នាំ២០២៦បានអញ្ជើញប្រគល់ពានដល់ក្រុមកីឡាដែលទទួលបានជ័យលាភីក្នុងការប្រកួតកីឡាប៊ូលនិងប៉េតង់ពានរង្វាន់មន្ទីរ៉ែនិងថាមពលខេត្តកំពង់ធំដើម្បីអបអរសាទរខួបលើកទី៤៧ទិវាជ័យជំនះ៧ មករា(៧មករា១៩៧៩-៧មករស២០២៦)នៅស្នាក់ការគណបក្សប្រជាជនកម្ពុជាខេត្តកំពង់ធំ។

ការប្រកួតប៊ូលនិងប៉េតង់ពានរង្វាន់មន្ទីររ៉ែនិងថាមពលខេត្តកំពង់ធំក្រោមប្រធានបទ"កីឡាដើម្បីសន្តិភាព"លើវិញ្ញាសា៣នាក់ទល់នឹងនាក់នាក់បម្រុង១នាក់ដោយមានការចូលរួមពីក្លឹបប៊ូលនិងប៉េតង់តាមបណ្ដារាជធានី-ខេត្តចំនួន៥មានចំនួន៤៣ក្រុមដែលមានកីឡាករកីឡាការិនីនិងគណៈប្រតិភូសរុបចំនួន១៨០នាក់ក្នុងនោះខេត្តកំពង់ធំចំនួន២១ក្រុមខេត្តកំពង់ចាមចំនួន០៨ក្រុមខេត្តសៀមរាបចំនួន០៤ក្រុមខេត្តព្រះវិហារចំនួន០១ក្រុមនិងរាជធានីភ្នំពេញចំនួន០៩ក្រុម។

ឆ្លងកាត់ការប្រកួតរយៈពេលមួយថ្ងៃពេញជាលទ្ធផលចំណាត់ថ្នាក់លេខ១បានទៅលើក្លឹបគ្រួសារអូឡាំពិករីករាយរាជធានីភ្នំពេញ។ចំណាត់ថ្នាក់លេខ០២បានទៅក្លឹបពីរ៉ាមីតខេត្តសៀមរាបនិងចំណាត់ថ្នាក់លេខ០៣ស្ទួនបានទៅក្លឹបមន្ទីរ៉ែនិងថាមពល១ខេត្តកំពង់ធំនិងក្លឹបសន្តិភាព២រាជធានីភ្នំពេញ៕

ដោយ៖ ស៊ុម វណ្ណា