AKPភ្នំពេញ ថ្ងៃ ទី២៦ ខែកុម្ភៈ ឆ្នាំ២០២៦-- បញ្ជាការដ្ឋានកងទ័ពជើងគោក បានរៀបចំពិធីបូកសរុបការងារប្រវត្តិសាស្ត្រយោធាឆ្នាំ២០២៥ និងទិសដៅការងារប្រវត្តិសាស្ត្រយោធា ឆ្នាំ២០២៦នាថ្ងៃ ទី២៦ ខែកុម្ភៈ ឆ្នាំ២០២៦ ក្រោមអធិបតីភាព ឯកឧត្តម ឧត្តមសេនីយ៏ឯក សរ ស៊ីនឿន មេបញ្ជាការរង កងទ័ពជើងគោក និងជាគណៈកម្មការប្រវត្តិសាស្ត្រយោធា កងទ័ពជើងគោក ។

អញ្ជើញមានប្រសាសន៍បូកសរុបនាឱកាសនោះ ឧត្តមសេនីយ៏ឯក សរ ស៊ីនឿន បានថ្លែងការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងយកចិត្តទុកដាក់ ខ្ពស់របស់គណៈកម្មការប្រវត្តិសាស្ត្រយោធាកងទ័ពជើងគោកនាឆ្នាំកន្លងមកបានទទួលលទ្ធផលល្អគួរជាទីមោទនៈក្រៃលែង ។

ឧត្តមសេនីយ៏ឯក សរ ស៊ីនឿន បានលើកទឹកចិត្តដល់់គណៈកម្មការ ស្ថាប័ន ព្រមទាំងជំនាញពាក់ព័ន្ធបន្តដំណើរការការងារប្រវត្តិសាស្ត្រយោធាឆ្នាំ២០២៦ ទទួលបានលទ្ធផលល្អប្រសើរបន្ថែមទៀត តាមផែនការនិងបទបញ្ជារបស់មេបញ្ជាការកងទ័ពជើងគោកបានប្រគល់ជូន ៕ 

ដោយ ៖សំ សាម៉ន ប្រភពបញ្ជាការដ្ឋានកងទ័ពជើងគោក