AKP ភ្នំពេញ ថ្ងៃទី២៤ ខែកញ្ញា ឆ្នាំ២០២៥-- រយៈពេល ៣ថ្ងៃ ក្នុងឱកាសបុណ្យភ្ជុំបិណ្ឌប្រពៃណីជាតិខ្មែរ គឺថ្ងៃទី២១-២២-២៣ ខែកញ្ញា ឆ្នាំ២០២៥ ខេត្តកំពង់ចាមទទួលបានភ្ញៀវទេសចរមកចូលលេងកម្សាន្តនៅរមណីយដ្ឋាននានា ប្រមាណ២១០.៥៧៣នាក់ ក្នុងនោះភ្ញៀវបរទេសចំនួន១០៨នាក់។ នេះបើតាមលោក ស៊ាន សុគុន ប្រធានមន្ទីរទេសចរណ៍ខេត្តកំពង់ចាម ឱ្យដឹង នៅព្រឹកថ្ងៃទី២៤ ខែកញ្ញា ឆ្នាំ២០២៥។

លោកប្រធានមន្ទីរទេសចរណ៍ខេត្តកំពង់ចាម បញ្ជាក់ឱ្យដឹងថា ខេត្តកំពង់ចាមក៏ជាគោលដៅ សម្រាប់ភ្ញៀវទេសចរមកលេងកម្សាន្តភ្ញៀវមកលេងកម្សាន្តផងដែរ។ រមណីយដ្ឋានប្រវត្តិសាស្ត្រ៤កន្លែង ដូចជា៖ ប្រាសាទអង្គបាជ័យ, ភ្នំហានជ័យ, ភ្នំជើងព្រៃ, និងភ្នំប្រុស ភ្នំស្រី, និងមានរមណីយដ្ឋានធម្មជាតិប្រវត្តិសាស្ត្រមួយកន្លែង គឺប្រាសាទបាធាតុទឹកឆា រមណីយដ្ឋានធម្មជាតិ៣កន្លែង រួមមាន៖ បឹងធំ, កោះប៉ែន, ទំនប់តាកុច, និងរមណីយដ្ឋានកែច្នៃ ៣កន្លែង មានកសិ-ទេសចរណ៍ថ្មដា នាគស្មៅ និងហាន់ជ័យរីស្សត៕

ដោយ ឆាយ ម៉ុត