AKP ខេត្តព្រះសីហនុថ្ងៃ២៧ ខែកុម្ភៈ ឆ្នាំ ២០២៦– 
ឯកឧត្តម ម៉ាង ស៊ីណេត អភិបាល នៃគណៈអភិ បាលខេត្តព្រះសីហនុ ជាប្រធានអនុគណៈកម្មាធិការវិនិយោគខេត្តព្រះសីហនុ អញ្ជើញដឹកនាំកិច្ចប្រជុំ ពិភាក្សា ពិនិត្យ និងអនុម័តលើសំណើសុំនាំចូលដោយពន្ធគយអាករពិសេស និងអាករតម្លៃបន្ថែមជាបន្ទុករបស់រដ្ឋនូវគ្រឿងម៉ាស៊ីន សម្ភារៈបរិក្ខាផលិតកម្ម និងវត្ថុធាតុដើមរបស់ក្រុម ហ៊ុន CAMBODIAN KECHUANG NEW MATERIAL CO.,LTD ។ 

ដែលបានទទួលវិញ្ញាបនបត្រចុះបញ្ជីគម្រោងវិនិ យោគមានលក្ខណៈសម្បត្តិគ្រប់គ្រាន់លេខ ០០១/២៦ អ.វ.វ.ប.ប ចុះថ្ងៃទី២០ ខែមករា ឆ្នាំ២០២៦ របស់អនុ គណៈកម្មាធិការវិនិយោគខេត្តព្រះសីហនុ នៅសា លាខេត្តព្រះសីហនុ រសៀលថ្ងៃសុក្រទី២៧ ខែកុម្ភៈ ឆ្នាំ២០២៦ ។ 
ក្រុមហ៊ុនមានអាគារលើផ្ទៃដី ១ ២០០ម៉ែត្រការ៉េ បានចាប់ផ្ដើមកែលម្អខែធ្នូ ឆ្នាំ២០២៥ តាមការ ព្យាករណ៍បញ្ចប់ការជួសជុលតំឡើងម៉ាស៊ីននៅខែកុម្ភៈឆ្នាំ២០២៦ និងចាប់ដំណើរការផលិតកម្មនៅខែមីនា ឆ្នាំ២០២៦ ហើយទីផ្សារដែលនាំចេញមាន មានដូចជាទីផ្សារក្នុងស្រុក និងនាំចេញទៅប្រទេសចិន នៅពេលចាប់ផ្ដើមផលិតត្រូវការកម្មករ ៣៦នាក់ និងបរទេស ៥នាក់ មានទុនវិនិយោគ ៥២៤.០០០ដុល្លារអាមេរិក។

ក្នុងកិច្ចប្រជុំមន្ត្រីនៃមន្ទីរ អង្គភាពជំនាញបានធ្វើការលើកឡើងពីលក្ខណបច្ចេកទេស ស្របតាមសំណើរសុំគម្រោងកម្មវិធីពិសេសជំរុញការវិនិយោគនៅខេត្តព្រះសីហនុ របស់រាជរដ្ឋាភិបាលកម្ពុជា សម្រាប់ខេត្តព្រះសីហនុ ដែលមានអ្នកវិនិយោគបានដាក់ពាក្យស្មើសុំមកគណៈកម្មការវិនិយោគខេត្តព្រះសីហនុជាបន្តបន្ទាប់ចាប់ពីឆ្នាំ២០២៤ មក ។

ក្នុងឪកាសនោះ ឯកឧត្តម  ម៉ាង ស៊ីណេត អភិ បាលខេត្តព្រះសីហនុ ជាប្រធានអនុគណៈកម្មាធិការវិនិយោគខេត្តព្រះសីហនុ បានធ្វើការឯកភាព និងគាំទ្រនូវសំណើស្មើសុំដែលមានលក្ខណសម្បត្តិគ្រប់គ្រាន់តាមអ្វីដែលមន្ទីរ អង្គភាពបានលើកឡើង តាមការណែនាំពីមន្ត្រីបច្ចេកទេស ហើយការបង្កើតរោងចក្រនេះ វាផ្តល់ឪកាសការងារជូនប្រជាពលរដ្ឋខេត្តព្រះសីហនុ ក៏ដូចប្រជាពលរដ្ឋកម្ពុជា មានការងារធ្វើបង្កើនជីវភាពគ្រួសារ និងបង្កើនសេដ្ឋកិច្ចជាតិផងដែរ ។ 

 ឯកឧត្តម អភិបាលខេត្ត បានឯកភាព គាំទ្រគម្រោងរោងចក្រកម្មន្តសាលផលិតគ្រាប់ជ័រប្លាស្ទិក ផលិត ផលធ្វើពីប្លាស្ទិក សម្ភារៈវេចខ្ចប់ និងសម្ភារៈបន្ទាប់ បន្សំគ្រប់ប្រភេទរបស់ក្រុមហ៊ុន CAMBODIAN KECHUANG NEW MATERIAL CO.,LTD ដែលបានស្មើសុំនាំចូលគ្រឿងម៉ាស៊ីន សម្ភារៈបរិក្ខាផលិតកម្ម និងវត្ថុធាតុដើម ដើម្បីចង្វាក់ផលិតកម្មរបស់ខ្លួន ទន្ទឹមនោះប្រធានក្រុមហ៊ុនត្រូវអនុវត្ត ស្តីពីបរិស្ថាន អនាម័យឪ្យបានល្អ ជាពិសេសចូលរួមដាំដើមឈើនៅក្នុងបរិវេណរោងចក្រឪ្យមានពណ៌បៃតងសម្រាប់បង្កើនសោភណភាព ក៏ដូចជាផាសុខភាពបុគ្គលិក កម្មកររបស់យើងដែលបំពេញការងារទទួលបានលទ្ធផលផ្លែផ្កា ៕

ដោយ៖ ងូ សុមុនី