AKP កំពង់ឆ្នាំង ថ្ងៃទី៥ ខែមីនា ឆ្នាំ២០២៦-- ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានដឹកនាំកិច្ចប្រជុំពិនិត្យផ្ទៀងផ្ទាត់ដីគម្របព្រៃឈើនិងការគ្រប់គ្រងតំបន់ជុំវិញបឹងទន្លេសាប កិច្ចប្រជុំនេះធ្វើនៅសាល់ប្រជុំសាលាខេត្តកំពង់ឆ្នាំងកាលពីថ្ងៃទី៤ ខែមិថុនា ឆ្នាំ២០២៦។

ក្នុងឱកាសនោះឯកឧត្តម ស៊ុន សុវណ្ណារិទ្ធិ បានបមានប្រសាសន៍ថា គោលបំណងក្នុងកិច្ចប្រជុំនេះដើម្បីធ្វើយ៉ាងណារួមគ្នាពិភាក្សាបញ្ហា និងបង្កើតក្រុមការងារចម្រុះ ដើម្បីចុះត្រួតពិនិត្យលក្ខណៈសម្បត្តិឲ្យបានគ្រប់គ្រាន់ និងផ្ទៀងផ្ទាត់ លើឯកសារគតិយុត្តិ ឆ្នាំគោលដែលបានកំណត់ រយៈពេលនៃការកាន់កាប់ដី និងអាស្រ័យផលជាក់ស្តែងគ្រប់ជ្រុងជ្រោយ ក្នុងនោះចំនុចដែលគួឱ្យកត់សំគាល់ដីគម្របព្រៃឈើនៅតំបន់ជុំវិញបឹងទន្លេសាប។

ទន្ទឹមនឹងនេះឯកឧត្តមបានបន្តថា ការផ្សព្វផ្សាយឱ្យបានទូលំទូលាយ ដល់ប្រជាពលរដ្ឋនៅមូលដ្ឋានអំពីកន្លែងការពារ និងអភិរក្សជលផល និងបញ្ញតិពាក់ព័ន្ធនៃច្បាប់ជលផល  ពង្រឹងការអនុវត្តច្បាប់ជលផលឱ្យបានម៉ឺងម៉ាត់ប្រកបដោយស្មារតីទទួលខុសត្រូវ និងប្រើប្រាស់កម្លាំង និងធនធានមនុស្សឱ្យអស់លទ្ធភាពក្នុងការអនុវត្តន៍ការងារឱ្យបានជោគជ័យថែមទៀត។ ការវាស់វែងកាត់ឆ្វៀលតំបន់១ តំបន់២ និងតំបន់៣ របស់ក្រុមការងារបច្ចេកទេស អាជ្ញាធរបឹងទន្លេសាប ស្ថាប័នមន្ទីរជំនាញពាក់ពន្ធ័ ថ្នាក់ដឹកនាំខេត្ត អាជ្ញាធរមូលដ្ឋានពាក់ព័ន្ធ ក្នុងការចូលរួមការពារ ថែរក្សាធនធានធម្មជាតិ និងបរិស្ថាននៃតំបន់បឹងទន្លេសាប។  អាជ្ញាធរ ដែនដី ចូលរួម ទប់ស្កាត់ ការបន្ត ចូល អាស្រ័យ ផល ដី តំបន់ ៣ ការ រុករាន ទន្ទ្រានព្រៃ លិច ទឹក និង ពង្រឹង ការអនុវត្ត ច្បាប់ បទដ្ឋាន គតិយុត្ត ធ្វើការផ្សព្វផ្សាយដល់ប្រជាពលរដ្ឋនៅក្នុងមូលដ្ឋានជាក់ស្តែង ឱ្យជួយថែរក្សា ជម្រកត្រីពងនិងទប់ស្កាត់បទល្មើសនេសាទជាដើម។

ថ្លែងក្នុងបរិបទនេះឯកឧត្តមអភិបាលខេត្ត បានេជម្រុញដល់មន្ត្រីពាក់ព័ន្ធទាំងអស់ត្រូវខិតខំប្រឹងប្រែងរួបរួមគ្នាទប់ ស្កាត់ការកាប់បំផ្លាញព្រៃឈើទន្រ្ទានយកដីកាន់កាប់ខុសច្បាប់ ការធ្វើអាជីវកម្មឈើ និងសត្វ ព្រៃ ខុសច្បាប់ ការប្រើប្រាស់សម្បទានដីសេដ្ឋកិច្ចខុសពីគោលការណ៍ ភាពឆកល្វែងនៃការ អនុវត្ត ច្បាប់ស្តីពីព្រៃឈើ និងលិខិតបទដ្ឋានគតិយុត្តពាក់ព័ន្ធស៊ីជម្រៅឱ្យទាន់ពេលវេលានិងមានប្រសិទ្ធភាព៕

ដោយ៖ បៃ ស៊ីថុន