AKP សៀមរាប ថ្ងៃទី១៦ ខែមីនា ឆ្នាំ២០២៦–ឯកឧត្តមសាស្ត្រាចារ្យ យីត ស៊ុនណារ៉ា រដ្ឋលេខាធិការក្រសួងសុខាភិបាល បានថ្លែង នៅក្នុងពិធីប្រគល់សញ្ញាបត្រជូននិស្សិតជ័យលាភីកម្រិតបរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ក្របខ័ណ្ឌអប់រំ និងក្របខ័ណ្ឌសុខាភិបាល នៃសាកលវិទ្យាល័យអង្គរចំនួន ៤២១នាក់ នាព្រឹកថ្ងៃទី១៦ ខែមីនា ឆ្នាំ២០២៦នេះថា បច្ចុប្បន្ននេះ រាជរដ្ឋាភិបាលមានត្រូវការធនធានមនុស្ស ដែលមានសមត្ថភាពជាច្រើនសម្រាប់បម្រើឱ្យគ្រប់វិស័យ ក្នុងនោះវិស័យសុខាភិបាលក៏មានត្រូវការច្រើនដែរ។ឯកឧត្តមបានបន្តថា ពេលនេះសាកលវិទ្យាល័យអង្គរខេត្តសៀមរាប បានកំពុងតែចូលរួមចំណែកដ៏សំខាន់ ក្នុងការបណ្តុះបណ្តាលធនធានមនុស្សប្រកបដោយសមត្ថភាព និងមានជំនាញតម្រូវតាមទីផ្សាការងារកំពុងតែចង់បាន។ហើយសម្រាប់វិស័យសុខាភិបាល គឺពិតជាត្រូវការធនធាន ដែលមានភាពច្បាស់លាល់ព្រោះ ការព្យាបាលជំងឺមិនមែនមានតែថ្នាំពេទ្យនោះទេ ប៉ុន្តែសម្តីផ្អែមល្ហែម និងអាកប្បកិរិយាល្អ គឺជាចំណែកមួយដ៏សំខាន់ក្នុងការជួយឱ្យអ្នកជំងឺមានសង្ឃឹម និងឆាប់ជាសះស្បើយ ហើយចេះអត់ធ្មត់ និងយោគយល់ចំពោះអ្នកជំងឺនិងក្រុមគ្រួសារ ដោយទឹកមុខញញឹមស្រស់បស់ និងផ្តល់ការលើកទឹកចិត្ត។

ឯកឧត្តមសាស្ត្រាចារ្យបានកោតសរសើរចំពោះការខិតខំរៀនសូត្ររបស់និសិ្សត និងសូមក្មួយៗនិស្សិតទាំងអស់ត្រូវយកចំណេះដឹងទៅប្រើប្រាស់ដោយប្រកាន់ខ្ជាប់នូវក្រមសីលធម៌ និងត្រូវចងចាំថា គ្រូពេទ្យ ឬមន្ត្រីល្អ គឺជាអ្នកដែលយកទុក្ខធុរៈរបស់រាស្ត្រជា
ឯកឧត្តម អ្នកឧកញ៉ា សៀង ណាំ ប្រធានក្រុមប្រឹក្សាភិបាលនៃសាកលវិទ្យាល័យអង្គរ បានមានប្រសាសន៍ថា ដោយមានការជួយគាំទ្រ និងមានការអនុញ្ញាតពីក្រសួងសុខាភិបាល សាកលវិទ្យាល័យអង្គបានបើកដំណើរការមហាវិទ្យាល័យសុខភាពសាធារណៈគឺចាប់តាំងពីឆ្នាំ២០១៤មកហើយដែលមកដល់បច្ចុប្បន្ននេះ គឺបានបណ្ដុះបណ្ដាលនិស្សិតឱ្យមានមុខជំនាញគិលានុបដ្ឋាកកម្រិតបរិញ្ញាបត្ររងចំនួន ១៣ជំនាន់ស្មើនឹង ១៣០៨នាក់ កម្រិតបរិញ្ញាបត្របែបពាក់កណ្ដាលពេល ចំនួន៥ជំនាន់ ស្មើនឹង ១៧១នាក់ កម្រិតបរិញ្ញាបត្រចំនួន៤ជំនាន់ ស្មើនឹង ១៩១នាក់ និងមុខជំនាញឆ្មប កម្រិតបរិញ្ញាបត្ររងចំនួន ៩ជំនាន់ ស្មើនឹង ៤១២នាក់។ ឯកឧត្តមបន្តថា ក្នុងនាមជាគ្រឹះស្ថានអប់រំកម្រិតឧត្តមសិក្សាមួយ សាកលវិទ្យាល័យអង្គរតែងតែចូលរួមយ៉ាងសកម្មក្នុងសកម្មភាពអភិវឌ្ឍសង្គម ដើម្បីឆ្លើយតបទៅនឹងគោលនយោបាយបញ្ចកោណ និងចក្ខុវិស័យរបស់រាជរដ្ឋាភិបាលកម្ពុជា ក្នុងការឈានឆ្ពោះទៅសម្រេចបានជាប្រទេសមានចំណូលខ្ពស់នៅឆ្នាំ២០៥០ ដោយការអភិវឌ្ឍមូលធនមនុស្ស . ការធ្វើពិពិធកម្មសេដ្ឋកិច្ច និងការបង្កើនភាពប្រកួតប្រជែង . ការអភិវឌ្ឍវិស័យឯកជន និងការងារ . ការអភិវឌ្ឍប្រកបដោយភាពធន់ ចីរភាព និង  បរិយាបន្ន និងការកសាងសង្គមសេដ្ឋកិច្ចឌីជីថល៕

ដោយ៖ ឃុត សៅ